離遠已經聞到有菠蘿味嘅 ：有機薈低碳農莊菠蘿園🍍
今次因為「黑面媽」嘅公司有優惠，報名去咗《有機薈低碳農莊菠蘿園》，我哋自己揸車入去，如果搭車都方便，錦上路站行10分鐘即到。
園外沿途已經有好多菠蘿嘅擺設，有好多打卡位，入到去，玩吓油顔色，用小盆去種吓小菜芯，包包就周圍嘣嘣跳跳玩盡兒童設施，同埋有佢最鐘意嘅餵動物（羊仔、兔仔）。如果想真係摘菠蘿就$80一個，另有親子DIY坊做菠蘿冰，菠蘿果醬製作班及鳳梨酥製作班等，不過逐樣收費。
由於當日有好多本地旅遊客，所以我哋玩咗一陣就走，冇摘到菠蘿，如果有朋友仔玩過，請留言話我知後感！
地址： 元朗錦田四排石村
#親子 #菠蘿園 #有機薈低碳農莊 #秋季
Search